Tankar før avreise...

I morgo (20.06.09) skal eit KLM fly med fire spente KRIKerar frå Rogaland lette frå Sola Lufthavn! Me skal forhåpentlegvis vera nokså klare, med alt frå malariatabelettar til fjellsko og Bibel i bagasjen.

I tillegg har me med oss ein heil masse sportsutstyr til lokallaga i Arusha og omegn. Dette er kjøpt inn med pengar som me alle har samla inn til CHRISC, gjennom nattcup, misjonsløp og andre arrangement.

Tusen takk til alle som har vore engasjerte detta året, både i Student KRIK Stavanger og KRIK Bjerkreim! Asani sana! (swahili: Tusen takk!) Utan de folkens hadde det ikkje vore mogleg.

I tillegg vil me rette ein stor takk til XXL-sport og Kjetil der, som har vore heilt supre til å hjelpe med bestilling av utstyr til ein meget rimelig pris!

Ver gjerne med å be for turen dei neste tre vekene. Det er Gud som skal vera sjefen over alle sjefer på turen, og me treng hans velsigning og rettleiing.

Her er nokre konkrete bønneemne:

• Trygg reise, både med fly, buss, bil og anna.
• At utstyr, seminar og kontakten med dei lokale må bli til velsigning og nytte for CHRISC Tanzania.
• Helsa vår. At me må vera opppegåande og friske i dei neste tre vekene.
• Teamet, samhaldet og ”teamspiriten”.
• Guds velsigning over East African Cup.
• At me må halde eit rett og godt fokus og ha Gud i sentrum.